2%-იანი სხვაობა გილაურისა და ბაინდურაშვილის კომპეტენციას შორის ინფლაციის საკითხში

როგორც ცნობილია, პარლამენტში მინისტრების კვირეულის ფარგლებში დეპუტატების წინაშე თავდაპირველად პრემიერ–მინისტრი ნიკა გილაური, შემდეგ კი ფინანსთა მინისტრი კახა ბაინდურაშვილი წარსდგნენ.

გილაურმა დასაქმების საკითხში ხელისუფლების არაადეკვატურობაზე მიუთითა

პრემიერ-მინისტრმა ნიკა გილაურმა პარლამენტში სიტყვით გამოსვლა სოციალურ და ეკონომიკურ პრობლემებზე საუბრით დაიწყო. მისი თქმით, „საქართველოს ხელისუფლებამ ვერ მოახერხა ხალხის დასაქმება და ეროვნული წარმოებაც ვერ ვითარდება ისე, როგორც ეს ხალხს სჭირდება“. ამ განცხადებით, პრემიერმა, ალბათ, თავისდაუნებურად გაუსვა ხაზი ხელისუფლების არაადეკვატურობას დასაქმების საკითხში, თუმცა გამართლების მიზნით აღნიშნა: „ეს იმის გამო ვერ შევძელით, რომ ბოლო ორი წლის განმავლობაში ხელისუფლების საზრუნავი ქვეყნის ეკონომიკის არა წინსვლა, არამედ გადარჩენა და არსებული ფორმით შენარჩუნება იყო“.

მინისტრები უპირატესობის დასამტკიცებლად ემზადებიან

როგორც ცნობილია, მიმდინარე წლის 22 მარტიდან საქართველოს პარლამენტში მინისტრების კვირეული იწყება. კვირეულის ფარგლებში მინისტრთა კაბინეტის წევრები პარლამენტის წინაშე წარდგებიან და როგორც შესრულებულ სამუშაოზე, ისე სამომავლო გეგმებზე, გამოწვევებსა და პრიორიტეტებზე ისაუბრებენ.