სპეცოპერაცია „ქართული პარტიის“ ოფისში

„ქართული პარტიის“ ოფისში გუშინ, დაახლოებით, 21:00 საათზე, სამართალდამცველები შეიჭრნენ. როგორც საქინფორმს პარტიის პრესსამსახურის ხელმძღვანელმა ლია კამლაძემ განუმარტა, ძალოვანი სტურქტურების წარმომადგენლებმა მათ ოფისში შეჭრის მიზეზად პარტიის თანათავმჯდომარე ირაკლი ოქრუაშილის ბიძა ზურა გიგუაშვილის ძებნა დაასახელეს, რომელიც რამდენიმე დღის წინ საქართველო–სომხეთის საზღვარზე დააკავეს, თუმცა ქვეყნიდან გაუსვლელობის ხელწერილის დაწერის შემდეგ გაათავისუფლეს.

სააკაშვილის იმპიჩმენტის მოთხოვნას “ქართული პარტიაც” შეუერთდა

როგორც საქინფორმს პარტიის პრესსამსახურიდან აცნობეს, „ლეიბორისტული პარტიის“ მოწოდებას სააკაშვილის გადადგომის მოთხოვნით ეროვნულ-პოლიტიკური იმპიჩმენტის თაობაზე „ქართული პარტიაც“ შეუერთდა. ამ მიზნით დღეს პარტიის თავმჯდომარე სოზარ სუბარმა შესაბამის დოკუმენტს მოაწერა ხელი.

„ქართული პარტია“ ასპარეზს მთლიანად „სახალხო კრებას“ უთმობს – ოქრუაშვილი აღარ ჩამოდის

როგორც “ქართული პარტიის” ლიდერებმა დღევანდელ სპეციალურ პრესკონფერენციაზე განაცხადა, “ქართული პარტია” 25 მაისს ავლაბრის მოედანზე აქციას აღარ გამართავს და თბილისში არც თავდაცვის ექსმინისტრი ირაკლი ოქრუაშილი ჩამოვა. აღნიშნული გადაწყვეტილების მიზეზად სუბარმა ის გარემოება დაასახელა, რომ მათსა და კრების წარმომადგენლებს შორის შეთნხმება ვერ შედგა.

სამშობლოსკენ მომავალი ოქრუაშვილი ქართველ ჯარისკაცებს ხალხის გვერდით დგომისკენ მოუწოდებს

“ქართული პარტიის” ერთ-ერთი ლიდერი ირაკლი ორქუაშვილი ქართველ ოფიცრებს და ჯარისკაცებს “უახლოეს დღეებში არჩევანის ხალხის სასარგებლოდ გაკეთებისკენ” მოუწოდებს. ოპოზიციონერი ლიდერი სპეციალურ განცხადებას ავრცელებ, რომელსაც უცვლელად გთავაზობთ:

ლევან გაჩეჩილაძე: “ბოღმით მაქვს გული სავსე”

როგორც „ქართული პარტიის“ თანათავმჯდომარე ლევან გაჩეჩილაძემ დღეს გამართულ პრესკონფერენციაზე განაცხადა, „დიქტატურისთვის ფარდის ახდის ახალი ეტაპი დაიწყო, გული ბოღმით აქვს სავსე და ამ უსამართლობას პარტია არავის აპატიებს!“

“ქართული პარტია”: “გაახილე თვალი, ამერიკა!!!”

დღეს საქართველოში აშშ-ის საელჩოს შენობასთან „ქართული პარტიის“ საპროტესტო აქცია გაიმართა. აქციაზე, რომელზეც 200-მდე ადამიანი მივიდა, პარტიის ლიდერების მხრიდან პოლიტიკური განცხადებები გაკეთდა.

„გაახილე თვალი, ამერიკა, შეხედე რეალობას, დაუჭირე მხარი არა რეჟიმს, არამედ ქართველ ხალხს!“ – განაცხადა აქციაზე სიტყვით გამოსვლისას პარტიის პოლიტიკურმა მდივანმა ეროსი კიწმარიშვილმა.

სამტრედიაში “რადიკალების” მხრიდან პროვოკაციის მცდელობა კრახით დასრულდა

როგორც ცნობილია, მიმდინარე წლის 14 მაისს „ქართულმა პარტიამ“ ბათუმში საპროტესტო აქცია გამართა. ბათუმიდან თბილისის მიმართულებით მომავალი „ქართული პარტიის“ მხარდამჭერთა ნაწილი საპატრულო პოლიციის წარმომადგენლებმა სამტრედიაში გააჩერეს. ერთ-ერთი ავტობუსის გაჩერების მიზეზი ის გახდა, რომ ავტობუსის მძღოლს, რომელსაც აქტივისტები ბათუმიდან თბილისში გადმოჰყავდა, ტრანსპორტის სარეგისტრაციო მოწმობა არ აღმოაჩნდა. სულ დაჯარიმდა რამდენიმე მძღოლი, რომელთაც გადასახდელ თანხას პარტია აუნაზღაურებს.

ხალხი თუ ტანკები – რა იქნება 26 მაისს თავისუფლებაზე?!

როგორც ცნობილია, 26 მაისს, დამოუკიდებლობის დღის აღსანიშნავად, რუსთაველის გამზირზე საზეიმო აღლუმი ჩატარდება. აღლუმს ტრადიციისამებრ, ქვეყნის მთავრსარდალი, საქართველოს პრეზიდენტი მიხეილ სააკაშვილი ჩაიბარებს. აღსანიშნავია, რომ 21 მაისს „სახალხო კრება“ თავისუფლების მოედანზე ხელისუფლების წინააღმდეგ მიმართულ პერმანენტულ აქციებს იწყებს და როგორც „დემოკრატიული მოძრაობის – ერთიანი საქართველოს“ ლიდერი ნინო ბურჯანაძე აცხადებს, მთავარსარდალი აღლუმს მშვიდად ვერ ჩაიბარებს, რადგან თავისუფლების მოედანი „სახალხო კრების“ მხარდამჭერებს ექნებათ დაკავებული.

რევოლუცია დასწრებაზე – “ქართული პარტია” 9 მაისიდან იწყებს

როგორც „ქართული პარტიის“ პრესსამსახურში განგვიცხადეს, ხელისუფლების წინააღმდეგ საპროტესტო აქციები მიმდინარე წლის 9 მაისს კახეთის რეგიონიდან დაიწყება და ის მთელ საქართველოს მოიცავს. „აქციებს პერმანენტული ხასიათი არ ექნება. ჩვენი პარტიის ლიდერები საპროტესტო აქციებს კახეთის რეგიონიდან დაიწყებენ და ისინი ქვეყნის ყველა რეგიონში ჩატარდება, მათ შორის დედაქალაქშიც. სხვა დეტალების შესახებ ინფორმაციას ჯერჯერობით ვერ მოგაწვდით. ამ წუთებში ლიდერები თათბირობენ და აქციებთან დაკავშირებული გეგმები მოგვიანებით გახდება ცნობილი საზოგადოებისთვის“, – აცხადებენ „ქართული პარტიის“ პრესსამსახურში.

ირაკლი ალასანია: “სააკაშვილი ზნედაცემული პოლიტიკოსია, ოქრუაშვილი – უღირსი და მხდალი”

ბოლო დროს „თავისუფალი დემოკრატების“ ლიდერის ირაკლი ალასანიას მისამართით როგორც ხელისუფლების, ასევე ოპოზიციის მხრიდან რამდენიმე ბრალდება და შეურაცხმყოფელი განცხადება გაისმა. 9 აპრილს ტელეკომპანია „იმედის“ საინფორმაციო გამოშვება “ქრონიკაში” გავიდა სიუჟეტი, რომლის თანახმად, ირაკლი ალასანიამ ბრიტანეთში, “Chatham House”-ში სიტყვით გამოსვლისას, “სტრატეგიულად უმნიშვნელო საქართველოს” მიმართ დიდი ინტერესის გამო გაოცება გამოხატა. სიუჟეტს იმავე დღეს პრეზიდენტი მიხეილ სააკაშვილი გამოეხმაურა, რომელმაც “თავისუფალი დემოკრატების” ლიდერი ქვეყნის იმიჯის შელახვაში დაადანაშაულა და მკაცრად გააკრიტიკა. რამდენიმე დღის შემდეგ კი ალასანიას კრიტიკით გაზეთ “კვირის პალიტრისთვის” მიცემულ ინტერვიუში, თავდაცვის ყოფილი მინისტრი ირაკლი ოქრუაშვილი გამოვიდა. “ალასანია ერთადერთი ქალწული იყო ქართულ პოლიტიკაში, უდავოდ დიდი მოლოდინითა და მხარდაჭერის იმხელა რესურსით, რომელსაც მეც კი ვინატრებდი 2007 წელს, მაგრამ ისე სწრაფად და იაფად დააკარგვინა მიშამ უბიწოება, მგონი თვითონაც ვერ მიხვდა“, – განაცხადა ოქრუაშვილმა.