ტურიზმი საქართველოში: რა უშლის ხელს უცხოური ინვესტიციების განხორციელებას

თბილისი, 21 ნოემბერი, საქინფორმი. „ტურიზმის სექტორი არის ერთ-ერთი ყველაზე სწრაფად მზარდი სექტორი საქართველოში. არსებობს მრავალი შესაძლებლობა ტურიზმის სფეროში ინვესტიციების განსახორციელებლად, დაწყებული საზღვაო კურორტებით, გაგრძელებული მთის კურორტებით, სათხილამურო სპორტით, მინერალური წყლებით, გამაჯანსაღებელი, კულტურული და სხვა სახის ტურიზმით. საქართველოს თითქმის ყველა რეგიონი მდიდარია ტურისტული ღირსშესანიშნაობებით“, – ვკითხულობთ საქართველოს საგარეო საქმეთა სამინისტროს ვებგვერდზე… არ შეიძლება, არ დავეთანხმოთ ვაშაძის უწყებას იმ თვალსაზრისით, რომ ტურიზმის სფეროში ინვესტიციების განსახორციელებლად ნამდვილად მრავალი შესაძლებლობა არსებობს საქართველოში, თუმცა რეალურად რამდენად ვითარდება ტურიზმი – სხვა საკითხია. გვსურს, მკითხველს ორი მაგალითი მოვუყვანოთ განსჯისთვის –  რამდენად ვითარდება ტურიზმი და რა ან ვინ უშლის ხელს საქართველოში ინვესტიციების განხორციელებას.

მიხეილ სააკაშვილმა ევროპარლამენტის რეზოლუციას ისტორიული უწოდა

საქართველოს პრეზიდენტმა მიხეილ სააკაშვილმა ევროპარლამენტის მიერ დღეს მიღებულ რეზოლუციას ისტორიული უწოდა . როგორც მიხეილ სააკაშვილმა გუშინ საღამოს, მოსახლეობისადმი პირდაპირი სატელევიზიო მიმართვისას განაცხადა, მსოფლიოს ყველაზე ავტორიტეტულმა არჩევითმა ორგანომ რეზოლუციის მრავალ პუნქტში დააკანონა, რომ რუსეთის ყოფნა საქართველოში არის უკანონო სამხედრო ოკუპაცია.

“ეს რეზოლუცია ჩვენთვის რამდენიმე ასპექტით არის მნიშვნელოვანი ჩვენს დიდ ბრძოლაში საქართველოს საბოლოო გათავისუფლებისთვის, საბოლოო დეოკუპაციისთვის და ჩვენი ქვეყნის უკეთესი დემოკრატიული მომავლისთვის. რეზოლუციაში კიდევ ერთხელ ორაზროვნად დაფიქსირებულია, რომ რუსეთი ახორციელებს საქართველოს რეგიონების უკანონო ოკუპაციას”, _ განაცხადა მიხეილ სააკაშვილმა. 

ევროპარლამენტი საქართველოს ხელისუფლებას კანონდარღვევების გამოძიებისკენ მოუწოდებს

საქართველოს ხელისუფლებამ პოლიციის მიერ ადვოკატების ცემისა და პოლიტიკურად მოტივირებული სასამართლო პროცესები უნდა გამოიძიოს . ამის შესახებ ევროპარლამენტის მიერ მიღებულ რეზოლუციაშია ნათქვამი.

ადვოკატებზე თავდასხმების თემა რეზოლუციის იმ ნაწილში შევიდა, რომელიც საქართველოში სამართლის, თავისუფლებისა და უსაფრთხოების საკითხებს ეხება.

“ევროპარლამენტის წევრები გამოხატავენ შეშფოთებას ადვოკატებზე პოლიციის შეტევისა და სასტიკი ცემის შემთხვევების გამო და მოუწოდებენ ხელისუფლებას, დაუყოვნებლივ და ეფექტურად გამოიძიოს ეს ფაქტები – დაუსჯელობა, პოლიტიკურად მოტივირებული სასამართლო პროცესები და დამნაშავეები პასუხისმგელობაში მისცეს”, – ნათქვამია რეზოლუციაში.

ევროპარლამენტი ხელისუფლებას დევნილების უფლებების დაცვისა და მედიის თავისუფლების ხელშეწყობისკენ მოუწოდებს

ევროპარლამენტი საქართველოს ხელისუფლებას იძულებით გადაადგილებული პირებისა და უმცირესობების უფლებების დაცვისკენ მოუწოდებს . ეს მოწოდება ევროპარლამენტის რეზოლუციაში დაფიქსირდა.

ევროპარლამენტის წევრები ასევე მოუწოდებენ ხელისუფლებას, შექმნას სრული და ეფექტური ანტიდისკრიმინაციული კანონმდებლობა, მათ შორის სექსუალურ ორიენტაციასა და და სქესობრივ იდენტიფიცირებაზე დაფუძნებული დისკრიმინაციის წინააღმდეგ. 

რა მოხდა სინამდვილეში ივანიშვილის პრესკონფერენციაზე

თბილისი, 2 ნოემბერი, საქინფორმი. როგორც ცნობილია, გუშინ, 2011 წლის 1 ნოემბერს, ბიზნესმენ და პოლიტიკოს ბიძინა ივანიშვილის პირველი პრესკონფერენცია გაიმართა, რომელსაც ქართული და უცხოური მედიასაშუალებების 200-ზე მეტი წარმომადგენელი აშუქებდა. ნაციონალურმა ტელეარხებმა და სხვადასხვა ინტერნეტმედიასაშუალებამ ჯერ კიდევ პრესკონფერენციის დაწყებამდე გაავრცელეს ინფორმაცია, თითქოს ჟურნალისტებს ივანიშვილის ბიზნესცენტრში შესვლისას პრობლემები შეექმნათ და მათ მიმართ გარკვეულ შეურაცხყოფასაც ჰქონდა ადგილი… პოლიტიკაში წასული ბიზნესმენის მიმართ საზოგადოების ზეინტერესის გამო, რაღა თქმა უნდა, პრესკონფერენციაზე დასასწრებად აკრედიტაცია საქინფორმმაცგაიარა და ეპიცენტრში ორი კორესპონდენტი გაუშვა. ხელისუფლების მიერ კონტროლირებადი მედიასაშუალებების წარმომადგენლებისგან განსხვავებით, გვსურს, სრული პასუხისმგებლობით განვაცხადოთ, რომ პრესკონფერენციაზე შესვლისას და არც მიმდინარეობისას არანაირი პრობლემა არ შეგვქმნია და არც შეურაცხყოფას ჰქონია ადგილი ჩვენი მისამართით. ერთადერთი, რაც ვერ მოვახერხეთ, კითხვის დასმა იყო და ისიც იმ „Live-შოუს“ გამო, რომლის მოწყობაც ჟურნალისტებს „ნაციონალმა“ ხელმძღვანელებმა დაავალეს.

ია ანთაძის ინტერვიუ ბიძინა ივანიშვილთან – „შუა უნდა გაიკრიფოს“

ჟურნალისტმა ია ანთაძემ ბიზნესმენ ბიძინა ივანიშვილთან ექსკლუზიური ინტერვიუ ჩაწერა, რომელსაც უცვლელად, ყოველგვარი შესწორების გარეშე გთავაზობთ:

– ბატონო ბიძინა, საზოგადოება ხედავს, რა ნაბიჯებს დგამს ხელისუფლება თქვენ წინააღმდეგ და იმ ხალხის წინააღმდეგაც, რომლებიც თქვენთან არიან დაკავშირებულნი. რას ელოდებით კიდევ? 

– მე ვფიქრობ, ძირითადი უკვე გააკეთეს – ნათელია, რა მეთოდებსაც გამოიყენებენ. დაიჭირეს ჩემი უახლოესი მრჩევლის და თანამშეწის – ირაკლი ღარიბაშვილის – სიმამრი, ავტომატი ჩაუდეს, როგორც ამათ ჩვევიათ. ასეთივე ხელწერით დაიჭირეს ჩემი შვილის მეგობარი, პოპულარული დიჯეი, ნარკოტიკი ჩაუდეს. „ქართუ ბანკის“ საინკასაციო მანქანა დააპატიმრეს. ღამის თერთმეტის ნახევარზე ჩემს დაცვას იარაღის ჩაბარება მოსთხოვეს. შეიძლება პროკურატურა შევიდეს და დახუროს „ქართუ ბანკი“; შეიძლება, საქველმოქმედო ფონდიც დახურონ – ქველმოქმედება ქრთამად ჩამითვალონ. ჩემი შვილის ერთ მეგობარს და მის მეუღლეს მანქანები დასდევენ. შეიძლება, ჩემი ნათესავი და ახლობელი დააპატიმრონ ბანკიდან.

ბიგვავას კლიენტები: პოლიტიკის გამო გარდაცვლილი ჟვანია, პოლიტიკურად გარდაცვლილი ბურჯანაძე და ცოცხალი ივანიშვილი

თბილისი, 14 ოქტომბერი, საქინფორმი. ნინო ბურჯანაძის პარტიის ყოფილი წევრი ზურაბ ბიგვავა საზოგადოებასთან ურთიერთობის სფეროში ბიძინა ივანიშვილის მრჩეველი გახდა. როგორც ბიგვავა თავად განმარტავს, „უკვე ერთი კვირაა, რაც ის პოლიტიკოსობის მსურველი ბიზნესმენის ინიციატივით, მასთან კონსულტაციებს მართავს“.

„ჩემი პროფესიიდან გამომდინარე, პოლიტიკურ გუნდში ნაკლებად მოვიაზრები. მე პოლიტიკური პიარის სპეციალისტი გახლავართ და ბიძინა ივანიშვილთან სწორედ ამ მიმართულებით ვთანამშრომლობ. რაც შეეხება პარტიის სამომავლო გეგმებს, დღეს რამდენიმე განცხადება გავრცელდება, რომლებშიც სწორედ ამაზე იქნება საუბარი“, – განაცხადა ბიგვავამ.

ზურაბ ბიგვავა: „ყოჩი გამოჩნდა და აუცილებლად მოვა ხელისუფლებაში“

თბილისი, 14 ოქტომბერი, საქინფორმი. საზოგადოებასთან ურთიერთობის საკითხებში ბიზნესმენ ბიძინა ივანიშვილის მრჩეველ ზურაბ ბიგვავას განცხადებით, „პოლიტიკური ელიტა ელოდა ყოჩს, რომელიც ბიძინა ივანიშვილის სახით გამოჩნდა“.

„მე დღევანდელი ხელისუფლების პოლიტიკის მიმართ ოპოზიციურად ვარ განწყობილი. ეს ცნობილია და მე ვეძებ ადამიანს, რომელიც ამ ხელისუფლების შეცვლის თვალსაზრისით რაციონალური და პერსპექტიული იქნება. პოლიტიკური სპექტრი ელის ყოჩს, რომელიც ბიძინა ივანიშვილის სახით გამოჩნდა. დღეს უკვე ოპოზიციურ სპექტრს პოლიტიკური მენეჯერი ჰყავს, რომელსაც ამ სპექტრისა და ხელისუფლების არჩევნების გზით შეცვლის მცდელობის პროცესის ორგანიზება შეუძლია“, – განაცხადა ბიგვავამ ტელეკომპანია „მაესტროს“ ეთერში საუბრისას.

კახი კალაძე: „ბატონო ბიძინა, მიგულეთ თქვენ გვერდით!“

თბილისი, 14 ოქტომბერი, საქინფორმი. ფეხბურთელი კახი კალაძე ბიზნესმენ ბიძინა ივანიშვილთან დაკავშირებით სოციალურ ქსელ „Facebook“-ის საკუთარ ოფიციალურ გვერდზე სპეციალურ განცხადებას ავრცელებს, რომელსაც საქინფორმი უცვლელად გთავაზობთ:

„ძვირფასო მეგობრებო, დებო და ძმებო, როგორც თქვენმა თანამემამულემ, საჭიროდ ჩავთვალე, რომ ჩვენი ქვეყნისთვის ამ უმძიმეს დროს გამეკეთებინა განცხადება. მართალია, სპორტსმენი და აპოლიტიკური ადამიანი ვარ, არ ვეკუთვნი არცერთ პოლიტიკურ პარტიას თუ გაერთიანებას, მაგრამ ეს არ ნიშნავს, რომ არ დავაფიქსირო ჩემი აზრი და არ გამოვხატო ჩემი შეხედულება,მითუმეტეს, როდესაც საქმე ეხება ჩემს სამშობლოს, რომელიც გზაგასაყარზე დგას, დანაწილებულ–დაქუცმაცებული, გავერანებული და გაპარტახებული.

შალვა რამიშვილი: „სააკაშვილის მოშორების საქმეში მონაწილეობა მსურს“

თბილისი, 14 ოქტომბერი, საქინფორმი. ტელეკომპანია „მაესტროს“ ჟურნალისტი შალვა რამიშვილი ბიზნესმენ ბიძინა ივანიშვილს საჯარო მიმართვას უგზავნის, რომელშიც აცხადებს, რომ „ბიზნესმენს მიხეილ სააკაშვილის მოსაშორებლად დიდი რესურსი აქვს“ და მას „ამ საქმეში მონაწილეობა სურს“.

რამიშვილის მიმართვას საქინფორმი უცვლელად გთავაზობთ:

„ჩემი პერსონისადმი ძალიან დიდი ინტერესია. ცხადია, ეს ივანიშვილის შემოთავაზებამ გამოიწვია. ამიტომ მინდა, მკაფიოდ დავაფიქსირო ჩემი პოზიცია: